Question Ki’nn Soulevé

◼ Eski li enn bon kitsoz pou mette nou l’adresse e-mail personnel lor bann publication ki nou donne bann dimoune?

Certain proclamateur finn stampe ou-soit finn colle bann autocollant lor bann periodik ou-soit bann tract ki zot offert bann dimoune, pou faire konn zot l’adresse e-mail. Bann dimoune ki accepté bann publication kapav lerla contacté proclamateur-la pou demann li bann lezot renseignement. Bann ki faire sa envie aide lezot ek ena bann bon l’intention. Selman, nou site Internet officiel inn fini ecrire par derriere bann periodik ek bann tract. Alors, li pou pli bon si nou pa mette nou l’adresse e-mail personnel lor bann publication.

Si enn proclamateur donne bann renseignement personnel avek bann dimoune dan territoire lor enn papier separé, surtout kan li faire bann visite, sa c’est enn decision personnel. Nou bizin prend l’initiative pou al visite bann dimoune ki interessé au lieu ki nou laisse zot contacté nou pou gagne plus renseignement. Nou pou pli kapav montré enn l’interet sincere kan nou koz avek enn dimoune face-a-face.