NOU LAVI KRETIEN

Enn Kondwit Pir ek enn Gran Respe Kapav Atir Bann Konzwin ver Laverite

Kan enn madam vinn enn Temwin ek ena enn bon kondwit, sa kapav ed so mari pou aksepte laverite. Me selman, kitfwa pandan plizir lane li pou bizin andir boukou leprev. (1Pi 2:21-23; 3:1, 2) Si to pe soufer dan enn fason inzis, kontign dominn lemal par seki bien. (Rom 12:21) Kitfwa to bon lexanp kapav ena plis lefe lor li ki to bann parol.

Esey met twa dan plas to konzwin, ek konpran kouma li trouv bann kitsoz. (Fil 2:3, 4) Montre konpasion, ek avek respe fer to best pou asim to bann responsabilite antan ki enn madam. Ekout bien. (Zak 1:19) Ena pasians, ek rasir to konzwin ki to kontan li. Mem si to konzwin pa montre otan bonte ek respe, to kapav sir ki Zeova apresie to fidelite.—1Pi 2:19, 20.

GET VIDEO JÉHOVAH NOUS DONNE LA FORCE DE PORTER NOTRE CHARGE, EK APRE SA, REPONN SA BANN KESTION-LA:

Kouma Grace Li so lavi ti ete kan li ti fek marye?
Ki ti atir li ver laverite ki ena dan Labib?
Kouma Ser Li ti persevere kan li ti bizin fer fas ar bann difikilte apre so batem?
Ki lapriyer Ser Li ti fer konsernan so mari?
Ki bann benediksion Ser Li ti gagne parski li ti ena enn kondwit pir ek enn gran respe?

Kat zimaz: Bann senn dan video ‘Jéhovah nous donne la force de porter notre charge,’ ki montre bann progre ki Grace Li fer. 1. Grace pe plore dan enn koulwar. 2. Enn ser pe etidie Labib avek Grace. 3. Grace ek so bann zanfan pe kit restoran lafami pou al renion. 4. Grace avek nef manb so fami dan enn Lasal kot fer renion. — Enn kondwit ki pir ek enn gran respe ena boukou pouvwar!