Esey Trouve Kouma Zeova Pe Reponn To Bann Lapriyer

Dan Labib, ena boukou lexanp kot Zeova ti reponn bann lapriyer. Kan bann serviter Bondie ti trouve kouma Zeova ti ekout zot bann lapriyer personel ek ti ed zot, sa ti ranforsi zot lafwa. Alor, li bon ki nou presi dan nou bann lapriyer personel ek esey trouve kouma Zeova pe reponn nou. Rapel ki so repons kapav diferan ouswa boukou plis ki seki nou’nn demande. (2Ko 12:7-9; Ef 3:20) Kouma Zeova reponn nou bann lapriyer?

• Li donn nou lafors fizik, emosionel, ouswa spiritiel pou fer fas ar enn problem.​—Fil 4:13, NW

• Li donn nou sazes pou pran enn bon desizion.​—Zak 1:5

• Li donn nou dezir ek kapasite pou azir.​—Fil 2:13

• Li donn nou lape lespri kan nou trakase.​—Fil 4:6, 7

• Li servi bann frer ek ser pou ed nou ek ankouraz nou.​—1Zn 3:17, 18

• Kan nou priye pou enn kikenn, Li ed sa dimounn-la.​—Zis 12:5, 11, NW

GET VIDEO ZEOVA LI ENN BONDIE KI “EKOUT LAPRIYER,” EK APRE SA, REPONN SA BANN KESTION-LA:

• Kouma eski lexanp frer Shimizu kapav ankouraz nou si nou pa kapav fer boukou akoz bann problem lasante?

• Kouma nou kapav imit lexanp frer Shimizu?