Servi To “Don Spiritiel”

Nou bien apresie bann moman ki nou pase avek nou bann frer ek ser, ek sa bien ankouraz nou, pa vre! Selman, pou ki sa bann moman-la vremem ankouraz nou, fode pa ki nou zis pas letan avek zot. Labib dir ki nou bizin “partaz avek [lezot] bann don spiritiel,” setadir ki sakenn parmi nou bizin ankouraz nou kamarad ek “fer zot lafwa vinn pli for.” (Rom. 1:11, 12) Kouma nou kapav fer sa?

Ankouraz lezot par seki to dir. Kan to donn bann repons dan renion, fer atansion ki to pa koz tro boukou lor to lavi ouswa lor to prop lopinion. Olie sa, koz lor seki to’nn aprann lor Zeova, lor Labib, ek lor so bann serviter ki fidel. Ek kan to avek to bann frer ek ser, koz lor bann kitsoz ki pou fer zot lafwa vinn pli for.

Ankouraz lezot par seki to fer. Par exanp, kitfwa sertin inn remarke ki to’nn desid pou res dan servis aplintan mem si sa difisil pou twa. Sa kapav ankouraz zot. Ouswa, kitfwa lezot trouve ki to pe asiste renion lasemenn mem si to ena enn maladi kronik ouswa to fatige akoz to travay.

Eski to ankouraz to bann frer ek ser par seki to dir ek seki to fer? Eski to trouve seki bann frer ek ser dir ek fer pou ankouraz twa?