Kantik 69
“Fer Mwa Konn To Bann Semin”
Version Inprime
(Psaume 25:4)
1. Mersi Jéhovah, pou to linvitasion,
Avek mo bann frer, mo ekout twa.
To Parol li enn lalanp pou mo lipie,
Li enn lalimier ki pe gid mwa.
(REFRIN)
Ed mwa konpran, ek mars lor to semin;
Fer mwa ekout to bann konsey pli bien.
Ed mwa pou mars dan to laverite,
Ek fer mwa kontan to lalwa parfe.
2. To bann komannman zot enn gran rekonfor;
To sazes zame nou pou konpran.
To Parol Labib touzour pou etonn nou;
Li vivan ek res pou touletan.
(REFRIN)
Ed mwa konpran, ek mars lor to semin;
Fer mwa ekout to bann konsey pli bien.
Ed mwa pou mars dan to laverite,
Ek fer mwa kontan to lalwa parfe.
(Get osi Ex. 33:13; Ps. 1:2; 119:27, 35, 73, 105.)