Travay Ansam dan Linite

1. Dan lemond ena divizion,

Bondie pran bann dispozision,

Gras-a li nou finn rasanble,

Nou tou nou bien zwaye.

Nou kontan linite,

Ek viv dan lape.

Bondie finn donn nou enn mision,

Li diriz nou par so Garson.

Avek soumision nou servi,

Touzour dan larmoni.

2. Pou ki nou ena mem panse,

Lafeksion, lamour, ek bonte,

Pou viv dan lazwa ek lape,

Nou bien bizin priye.

Lape rafresi nou,

Fer nou bien zwaye.

Nou kontan nou bann frer ek ser

Avek enn leker ki sinser,

Ek ansam nou swiv nou Bondie,

Li pou donn nou lape.