LESON 4

Introdir Bien Bann Verse Labib

Matie 22:41-45

REZIME: Prepar lespri bann ki pe ekout twa avan ki to lir enn verse.

Reflesi kifer to pou lir sa verse-la. Kan to introdir enn verse, lir li dan enn fason ki montre lor ki pwin inportan to anvi atir latansion.

Pran kont kontex verse-la. Kan to sit enn verse, si to pou dir kisannla ki’nn ekrir sa, ouswa kisannla ki pe koze, dan ki liv Labib ena sa, fer sir ki seki to dir li exakt.
Servi Labib kouma enn lotorite. Kan to pe koz ar bann dimounn ki krwar dan Bondie, fer zot konpran ki Labib se Parol Bondie. Koumsa, to pou montre ki Labib se pli gran lasours sazes ki existe.
Atir latansion lor verse-la. Poz enn kestion ek montre so repons dan Labib, soulev enn problem ek montre kouma Labib kapav ede pou rezoud sa, ouswa sit enn prinsip ek montre kouma enn resi Biblik ed nou pou konpran sa.

Pran kont seki bann dimounn deza kone lor sa size ouswa sa verse-la. Mem si se enn verse ki zot bien kone, introdir li dan enn fason ki atiran ek ki pou ankouraz zot pou trouv verse-la dan enn lot fason.