KANTIK 152
Enn Plas Ki Pou Donn Twa Loner
(1 Lerwa 8:27; 1 Kronik 29:14)
1. Zeova tomem ki’nn kree lesiel;
Li tro tipti pou to reste.
Ankor mwins enn plas ki nou’nn ranze,
Me ki nou sir to’nn aksepte.
Isi ansam nou pou loue twa,
Nou tou bann ki swiv to lalwa.
Nou pou servi twa dan linite,
Ek pou fer to leker zwaye.
(PON)
Tou seki nou ena
Zot sorti depi kot twa.
Nou anvi servi tousala
Pou donn twa loner.
(REFRIN)
Zeova nou bien rekonesan.
Ansam nou tou nou pe sante.
Sa proze-la inn realize;
Sa plas-la pou donn twa loner.
2. Zeova vremem nou ti anvi
Ranz enn plas pou donn twa loner,
Kot to pou’ansegn to bann serviter,
Pou’amenn dimounn ver lalimier.
Aster nou priye ki sa plas-la
Ede pou fer to volonte
Dan travay to Garson inn done
Pou ansegne ek pou prese.
(PON)
Tou seki nou ena,
To merite nou donn twa.
Nou letan, nou lafors, wi!
Tou seki nou ena!
(REFRIN)
Zeova nou bien rekonesan.
Ansam nou tou nou pe sante.
Sa proze-la inn realize;
Sa plas-la pou donn twa loner.