VIZIT
LESON 7
Persevere
Prinsip: “Zot ti kontign ansegne ek anons bon nouvel san arete.”—Zist. 5:42.
Seki Pol Ti Fer
1. Get VIDEO, ouswa lir Zistwar Bann Zapot 19:8-10. Apre sa, reponn sa bann kestion-la:
Kan bann dimounn ti opoz ar Pol, ki li ti fer pou kontign prese?
Komie fwa Pol ti al vizit bann Efezien, ek pandan komie letan li ti fer sa?
Ki To Kapav Aprann ar Lexanp Pol?
2. Sa demann letan ek zefor pou fer bann vizit ek koumans bann letid Labib.
Swiv Lexanp Pol
3. Vizit dimounn-la dan ler ki li li anvi. Vizit dimounn-la dan ler ek landrwa ki pli bon pou li, mem si sa inpe konplike pou twa.
4. Demann dimounn-la kan eski to kapav rezwenn li. Alafin sak vizit, demann dimounn-la kan ek ki ler to kapav repase, ek respekte to parol.
5. Res pozitif. Si souvan dimounn-la pa lakaz ouswa si souvan li okipe, pa panse ki li pa interese. (1 Kor. 13:4, 7) Kontign fer zefor pou zwenn li. Selman, ariv enn moman, servi to disernman ek gete si to pa pe perdi to letan.—1 Kor. 9:26.