Eski ou konn ou Papa ki dan le ciel?

ESKI ou konn ou papa bien? Sa question-la kapav etonne ou si ou’nn grandi dan enn famille ki bien d’accord. Kitfois ou pou reponn: ‘Bien sur ki mo konn mo papa bien!’ Oui, la plupart dimoune koné ki kitsoz zot papa content ek pa content, couma li reagir dan certain situation, ek couma li prend soin so famille.

Pourtant, kitfois finn ena bann l’occasion kot ou finn etonné pou decouvert enn coté ki ou pa ti konn ditou dan personnalité ou papa. Par exemple, kitfois enn garson konn so papa couma enn dimoune ki bien trankil, ki bien calme ziska jour kot enn situation critik arrivé. Enn sel coup, sa garson-la trouve enn dimoune ferme ki bien decidé pou protege so famille.

Ki nou kapav dire lor nou Createur? La Bible dire: “C’est par Li ki nou ena la vie, nou bougé ek nou existé.” (Actes 17:28) C’est Bondié ki’nn donne nou la vie. C’est dan sa sens-la ki Li Papa tou bann ki vivant. (Isaïe 64:8) Kitfois c’est coumsa-mem ki ou considere Bondié, ek sa li bon. Mais, nou ena encore plus ki sa pou koné ek pou decouvert lor Li, ek avredir sa pou dan nou l’avantage ek pou nou prop la joie.

Bann sentiment ki ou ena pou ou papa ek respé ki ou ena pou li, depann lor ki quantité ou konn li. Li pareil pou Bondié. Plus ou konn Li, plus bann relation ki ou ena avek Li pou vinn pli proche. Bondié kapav aide ou dan bann l’epreuve ek bann difficulté ki ou gagné dan la vie si ou aprann konn Li bien ek faire so volonté.

Ki qualité personnalité Bondié ena? Couma so bann qualité bizin influence bann sentiment ki nou ena pou Li? Eski kan ou konn Bondié, sa mette certain responsabilité lor ou? Prochain lartik pou reponn sa bann question-la.

[L’encadré page 3]

Bann sentiment ki ou ena pou lezot depann lor ki quantité ou konn zot