Eski U Nuri U Byin lor Plan Spirityel?
1 Ena enn proverb ki dir, ‘dir mwa ki to manze, mo pu dir twa ki to ete.’ Wi, bann fason ki nu nuri nu ena enn lefe lor nu lafors ek lor nu lasante. Zezi ti dir: “Zom bizin viv, pa zis avek dipin, me avek tu parol ki sorti dan labus Zeova.” (Mat. 4:4) Sa bann parol la montre ki fason nu manze lor plan spirityel usi ena swa enn bon lefe, swa enn move lefe lor nu. Alor, eski u nuri u byin lor plan spirityel? Eski u lev nene pu manze? Eski u manz vit-vit? Uswa eski u kontan pu pran letan pu apresye bann repa spirityel regilye, ekilibre, ek nurisan?
2 Analiz Seki U Manze: Zeova donn “manze dan ler ki bizin” ek Li donn “enn gran festin bann manze byin gra,” par mwayin “esklav fidel ek avize.” (Mat. 24:45; Izai 25:6) Pu profit net sa bann dispozisyon ranpli ar lamur la, nu bizin fer zefor pu nuri nu byin lor plan spirityel.
3 Demann u mem: ‘Eski mo lir tex dizur ek so komanter sak zur? Eski mo lir Labib ek mo medit lor la tulezur? Eski mo prepar an avans bann size ki pu fer dan reynion? Eski mo finn lir bann dernye piblikasyon an antye, parmi tulede volim La prophétie d’ Isaie, lumière pour tous les humains ?’
4 Zezi finn promet: “Ere bann ki konsyan zot bezwin spirityel. . . Ere bann ki fin ek swaf lazistis, pwiski zot pu rasazye.” (Mat. 5:3, 6) Alor, nuri u byin lor plan spirityel; ranpli u lespri ek u leker avek konesans Bondye.