Kuma pu Rod Bann Ki Diyn
1 Bann instriksyon ki Zezi ti done lor fason prese plas enn defi devan nu. Li ti dir: “Dan ninport ki lavil uswa vilaz kot zot rantre, rode kisannla ki diyn.” (Mat. 10:11) Zordi, pli ale, bann dimunn pas mwins letan kot zot. Kuma eski nu kapav relev sa defi-la?
2 Analiz U Teritwar: Kumans par analiz u teritwar. Kan eski laplipar dimunn kot zot? Kot sa kapav truv zot pandan la zurne? Eski ena enn sertin zur la semenn uswa enn sertenn ler pandan la zurne kot zot pli dispoze pu resevwar enn vizit? Kan u adapte u predikasyon avek program ek sityasyon bann dimunn dan u teritwar, sa kapav ed u pu gayn pli bon rezilta.—1 Kor. 9:23, 26.
3 Enn kantite proklamater finn reysi truv bann dimunn kot zot tar dan lapremidi. Sertin dimunn pli rilax ek pli dispoze pu ekute dan sa ler-la. Kapav usi donn temwaynaz par telefonn an sware. Pres dan bann teritwar komersyal ek dan bann landrwa piblik, se usi bann lezot fason pu fer bann dimunn konn la bonn nuvel.
4 Enn kongregasyon ki ti organiz enn mwa aktivite spesyal, ti pran bann dispozisyon pu prese tar dan lapremidi dan Samdi ek Dimans, ek an sware dan Merkredi ek Vandredi. Zot ti usi organiz temwaynaz par telefonn ek predikasyon dan teritwar komersyal. Sa bann dispozisyon-la finn rann la kongregasyon telman antusyas pu la predikasyon, ki zot inn deside pu kontiyn gard sa bann randevu-la.
5 Fer Bann Zefor Serye pu Swiv Lintere: Si li difisil pu zwenn enn dimunn kan u revizit li, sey pran enn randevu presi alafin u konversasyon ek usi lezot fwa ki u vizit li. Apre sa, gard u parol. (Mat. 5:37) Si posib, demann dimunn-la so nimero telefonn. Sa usi kapav ed u pu kontakte li.
6 Sertennman Zeova pu beni bann zefor serye ki nu fer pu rod bann ki diyn ek pu kiltiv lintere ki zot montre.—Pro. 21:5.