Bann Rappel pou Mémorial
Sa l’année-la, pou celebré Mémorial Jeudi le 24 Mars. Bann ancien bizin prend compte sa bann different point-la:
◼ Kan fixé l’heure sa reunion-la, assure zot ki passe bann l’embleme apré coucher soleil.
◼ Tou dimoune, ek l’orateur aussi bizin konn l’heure exact ek l’endroit precis kot pou faire sa reunion-la.
◼ Prevoir di-pain ek di-vin ki servi pou sa l’evenement-la.—Guette La Tour de Garde 1er Mars 2003, en Creole page 10-12.
◼ Amenn bann plat, bann verre, enn la-table ek enn nappe approprié pou sa l’evenement-la ek installe zot en avance.
◼ Bizin fini faire enn grand nettoyage la Salle du Royaume ou-soit l’endroit kot pou faire sa reunion-la.
◼ Bizin fini designe a l’avance bann frere ki pou occupe service d’accueil ek bann serveur, ek donne zot bann instruction precis lor séki zot bizin faire, lor bon fason ki zot bizin procedé, ek lor l’importance pou habille zot ek coiffe zot dan enn fason digne.
◼ Si enn membre oint pa kapav vini a cause enn problem la santé, bizin faire bann l’arrangement necessaire pou presente li bann embleme.
◼ Si plusieurs congregation pou servi mem la Salle du Royaume, zot bizin bien organise zot pou ki péna trop beaucoup dimoune ki blok l’entré, trottoir ek parking.