Nouveau program l’assemblée special enn jour

Nou lizié c’est enn organe extraordinaire. (Ps. 139:14) Pourtant, li kapav fixé zis enn sel kitsoz a la fois. Et sa li vrai dan sens litteral ek symbolik toulé-deux. Pou ki nou kapav garde enn vision spirituel bien clair, nou bizin concentré tou nou l’attention pou faire volonté Bondié. Parski bann distraction le monde Satan pé pli augmenté, li bien approprié ki theme l’assemblée special enn jour pou l’année service 2006, li: “Garde ou lizié simple.”—Mat. 6:22.

Ki nou kapav faire pou gagne benediction Jéhovah? (Prov. 10:22) C’est seki nou pou trouvé dan discours “ Les bienfaits que l’on se procure en gardant l’œil simple. ” Bann interview pou montré, ki bann bienfait nou kapav gagné kan nou mette en pratik bann principe biblik. Premier discours par l’orateur visiteur, “ Comment garder l’œil simple dans un monde dominé par le mal, ” pou mette nou en garde kont bann kitsoz ki kapav complik nou la-vie ek tigit-par-tigit touffe nou spiritualité. Nou pou aprann aussi ki sa vedir choisir “seki pli bon.”—Luc 10:42.

Couma bann parent ek lezot chrétien kapav encourage bann jeune chrétien pou fixé bann l’objectif spirituel? Dan partie “ Des parents qui orientent bien leurs flèches ” ek “ Des jeunes qui se fixent des objectifs spirituels, ” pou interviewé bann parent ek bann jeune lor sa question important-la. (Ps. 127:4) Discours final par l’orateur visiteur pou montré couma nou kapav contigne progressé avek l’organisation Jéhovah lor plan individuel, en tant ki famille, ek en tant ki congregation.

Ki nou enn kikenn ki’nn fek konn la verité, ou-soit ki nou pé servi Jéhovah pendant plusieurs dizaine l’année, li bien important pou ‘garde nou lizié simple.’ Et l’assemblée special enn jour pou aide nou pou faire sa.