Presentation periodik
La Tour de Garde 15 juin
“Eski ou pensé ki nou kapav vive heureux malgré bann problem ki nou gagné? [Laisse dimoune-la reponn.] Sa magazine-la montré nou kot-sa nou kapav trouve bann bon conseil ki kapav aide nou pou reussi faire face ar bann difficulté dan la vie. Li aussi koz lor enn vrai l’espoir ki kapav donne nou la force ek courage pou contigné.” Lire Révélation 21:3, 4.
Réveillez-vous! Juin
“Eski ou d’accord ki bann catastrophe ki pé arrivé zordi montré nou l’importance pou ecoute bann l’avertissement? [Laisse dimoune-la reponn.] Sa lartik-la koz lor bann dimoune ki finn survive cyclone Katrina ek leson ki sa finn aprann zot. Li mentionne aussi enn lot l’avertissement ki nou tou nou bizin prend compte zordi.” Attire l’attention lor lartik ki trouve page 14.
La Tour de Garde 1er juillet
“Zordi, ena tellement problem ki beaucoup dimoune demann-zot: ‘Kifer la vie rempli ar tou sa bann problem-la? Si Bondié existé, kifer eski Li pa faire nanyin pou tire souffrance?’ Eski ou finn deja reflechi lor la? [Laisse dimoune-la reponn.] Sa magazine-la donne nou bann bon reponse ki sorti dan la Bible, lor sa bann question-la.” Lire 2 Timothée 3:16.
Réveillez-vous! Juillet
“Zordi, pli allé, nou trouve pli beaucoup dimoune pé gagne problem dan zot mariage. Eski ou pensé ki bann couple pou tire profit si zot mette sa conseil la Bible-la en pratik? [Lire Éphésiens 4:32. Apré sa laisse dimoune-la reponn.] Sa Réveillez-vous !-la examine bann principe ki trouve dan la Bible, ki kapav aide nou vive heureux dan nou mariage.”