Bann rappel pou Mémorial
Sa l’année-la, pou celebré Mémorial lundi le 2 avril. Bann ancien bizin prend compte sa bann different point-la:
◼ Kan fixé l’heure pou sa reunion-la, fodé zot sur ki pa pou passe bann l’embleme avant coucher soleil.
◼ Tou dimoune, ek l’orateur aussi, bizin konn l’heure ek l’endroit exact kot pou faire sa reunion-la.
◼ Prevoir di-pain ek di-vin ki servi pou sa l’evenement-la.—Guette La Tour de Garde 1er mars 2003, en créole, page 10-11.
◼ Amenn bann plat, bann verre, enn la-table ek enn nappe approprié pou sa l’evenement-la ek installe zot a l’avance.
◼ Bizin fini faire enn grand nettoyage la Salle du Royaume ou-soit l’endroit kot pou faire sa reunion-la.
◼ Bizin designe a l’avance bann frere ki pou occupe service l’accueil ek bann serveur, ek donne zot bann instruction precis lor seki zot bizin faire, couma tou kitsoz bizin deroulé, ek lor l’importance pou habille-zot ek coiffe-zot dan enn fason digne.
◼ Si enn membre oint pa kapav vini a cause enn problem la santé, bizin faire bann l’arrangement necessaire pou presente li bann embleme.
◼ Si plusieurs congregation pou servi mem la-Salle du Royaume, zot bizin bien organise-zot pou ki pena trop beaucoup dimoune ki bloque l’entrée, trottoir ek parking.
◼ Secretaire pou envoye formulaire vert Assistance au Mémorial (S-7-F) la filiale, le soir-mem kot faire Memorial ou-soit au pli tard lendemain gramatin.