Question Ki’nn Soulevé

◼ Eski toulé-deux parent kapav mette lor zot rapport le temps ki zot passé pou faire l’etude familial?

Mem si c’est bann papa ki en premier ena responsabilité pou elevé zot zenfant “dan discipline ek dan bann l’avertissement Jéhovah,” toulé-deux parent ena enn part pou forme zot bann zenfant. (Éph. 6:4) Guette l’encouragement ki la Bible donne bann zenfant: “Mo garson, ecoute discipline to papa, ek pa abandonne la loi to mama.” (Prov. 1:8) Enn partie important dan formation ki bann parent donné, c’est l’etude la Bible en famille.

Dan le passé, mem si toulé-deux parent ti participe dan l’etude familial, zis seki ti conduire l’etude familial avek bann zenfant non-baptisé, ki ti compte so l’heure. Selman, sa pé changé. Si pendant l’etude familial toulé-deux parent participé pou enseigne zot zenfant, alors toulé-deux kapav compte maximum enn heure temps par semaine dan zot rapport. C’est vrai ki en general bann parent passe plus ki enn heure temps par semaine pou enseigne zot bann zenfant. Pou zot kapav donne zot zefant enn bon formation, toulé-deux parent bizin contigne faire bann zeffort. (Deut. 6:6-9) Mais, dan rapport chaque mois, bizin trouve surtout le temps ki’nn passé dan territoire. Alors, fodé pa compte plus ki enn heure temps par semaine, mem si l’etude-la al plus ki enn heure temps, ou-soit si finn faire li plusieurs fois dan la semaine, ou-soit si finn faire l’etude avek chaque zenfant separé. Zis enn sel parent pou mette sa l’etude-la lor so rapport ek pou compte enn visite chaque semaine ki finn faire l’etude.