Eski ou pé servi livre Comment raisonner?
1. Couma l’apotre Paul ek Jésus ti enseigne lezot?
1 L’apotre Paul ti faire tou seki li ti kapav pou ‘raisonne a partir bann l’Ecriture.’ (Actes 17:2, 3; 18:19) Kan li ti faire sa, li ti imite Jésus, ki souvent ti cite bann l’Ecriture ek ti servi bann l’exemple pou aide bann dimoune ki ti pé ecoute li comprend volonté Bondié. (Mat. 12:1-12) Livre Comment raisonner à partir des Écritures inn faire pou aide nou aussi pou faire pareil.
2. Couma nou kapav servi livre Comment raisonner pou prepare bann introduction ki efficace?
2 Prepare bann introduction ki efficace: Dan livre Comment raisonner à partir des Écritures page 9-15 ena bann introduction ki capté l’attention bann dimoune. Kan ou aprann different introduction ek ou servi zot, surtout si ou preche souvent dan enn territoire, ou pa pou dire touletan mem zaffaire dan predication ek sa pou aide ou vinn pli souple ek pli efficace pou commence bann conversation. Ou kapav lire bann l’introduction directement dan ou livre kan ou rann temoignage par telephone ou-soit kan ou preche par interphone devant bann batiment kot pa kapav rentré.
3. Ki bann instruction ena dan livre Comment raisonner, page 16-24 pou aide nou dan nou ministere?
3 Couma surmonte bann objection: Kifer ou pa pense lor bann objection ki bann dimoune dan ou territoire kapav soulevé ek prend deux-trois minute avant ou al preché pou reguette page 16-21 pou koné couma reponn sa bann objection-la. Eski parmi bann dimoune ki ou pou joinde pou ena bann bouddhiste, bann hindou, bann juif, ou-soit bann musulman? Si oui, bann instruction ki trouve lor page 21-24 pou aide ou.
4. Couma nou kapav servi livre Comment raisonner pou reponn enn question ou-soit pou discute lor enn sujet ki dimoune-la pa d’accord?
4 Reponn bann question: Livre Comment raisonner kapav aussi aide nou pou reponn enn question ou-soit pou discute lor enn sujet ki dimoune-la pa daccord. Ou kapav zis dire dimoune-la ki ou ti pou content montré li enn point interessant lor sa sujet-la, ek tire ou livre Comment raisonner. Bann sujet-la finn ecrire dan l’ordre alphabetik. Alors tourne-ou page kot ena titre kot ou pensé ou pou gagne bann renseignement ki ou bizin. Jette enn ti coup d’oeil lor bann question k’inn ecrire en foncé. Si ou pa trouve renseignement ki ou pé rodé, guette dan l’index ki trouve dan bann dernier page ou livre. Kan ou’nn trouve renseignement-la, lire li directement dan ou livre. Si ou pé koz lor enn verset precis, ou kapav gagne bann renseignement ki ou bizin lor page 445 dan “ Textes bibliques souvent mal compris. ”
5. Ki lezot fason encore nou kapav servi livre Comment raisonner?
5 Lezot fason pou servi livre Comment raisonner: Certain garde enn copie livre Comment raisonner dan zot travail ou-soit lekol pou aide zot reponn bann question couma, ‘Kifer to pa celebré tel ou tel fête?’ Bann jeune inn trouve bann renseignement ki ena dan bann partie ki koz lor “ Création ” ek “ Évolution ” utile kan zot prepare zot bann devoir lekol. Eski ou pou al rann visite enn kikenn ki malade ou soit enn dimoune ki’nn perdi enn kikenn ki li content dan la mort? Bann renseignement ki trouve dan partie “ Encouragement ” kapav aide ou pou reconforte sa dimoune-la avek l’aide la Bible. Dan livre Comment raisonner ena aussi bann renseignement utile pou bann frere ki prepare discours ek conduire bann reunion predication.
6. Ki nou but kan nou preché?
6 Kan nou pé preché, nou but c’est pa pou discute avek bann dimoune pou montré ki nou ena raison; ni pou transmette zis enn l’information. Nou envie raisonne a partir bann l’Ecriture dan enn fason efficace. Kan nou servi bien livre Comment raisonner, nou montré ki nou pé veille bien lor nou l’enseignement.—1 Tim. 4:16.