“Nourriture dan ler ki bizin”
1. Couma eski dernier l’assemblée special enn jour inn aide ou ek lezot?
1 Apré ki nou’nn assisté nou l’assemblée special enn jour, souvent nou dire: “Sa-mem ki nou ti bizin!” Enn surveillant circonscription ti raconté ki dan so circonscription, certain inn dire ki zot envie faire plus dan predication, apré ki zot inn ecoute programme sa l’année-la. Enn surveillant itinerant finn dire: “Sa inn aide nou pou reflechi bien kot nou été dan lepok ki nou pé vive, pendant ki nou pé ré-examine nou bann choix dan la vie.” Enn lot dire: “Beaucoup proclamateur ti dire ki sa ti couma enn alarme pou leve zot pou faire sur ki zot pé concentré lor seki pli important, setadir predication.” Couma l’assemblée special enn jour inn aide ou?
2. Ki bann sujet ki nou pou examiné dan programme pendant prochain l’année service?
2 Programme l’assemblée special enn jour pou prochain l’année service, li aussi pou exactement seki nou bizin. So theme c’est: “Vinn enba protection Jéhovah,” basé lor Psaume 118:8, 9. Ala deux-trois theme bann discours ki nou pou gagné: “ Jéhovah, une forteresse en temps de détresse, ” “ Aidez autrui à se réfugier sous les ailes de Jéhovah, ” “ Imitez Jéhovah, soyez un refuge, ” “ Jeunes chrétiens, mettez votre confiance en Jéhovah ! ” ek “ Notre paradis spirituel : le refuge prévu par Jéhovah. ”
3. Couma nou kapav profite bien kan nou assisté l’assemblée?
3 Couma nou kapav tire profit?: Desuite couma annonce date l’assemblée, faire bann l’arrangement precis pou ki ou assisté, ek invite ou bann etudiant la Bible pou vinn avek ou. Pou ki nou “rapporte fruit avek l’endurance,” nou bizin garde dan nou memoire seki nou tendé. (Luc 8:15) Alors, ecoute bien bann discours, ek prend bann ti note lor bann point important ek aussi bann conseil ki ou pense pou applik dan ou la vie ek dan ou ministere. Apré l’assemblée prend le temps pou discute lor programme ki finn ena avek ou famille ek examine bann different fason precis ki ou ek ou famille kapav applik seki zot inn aprann dan l’assemblée.
4. Kifer nou bizin attann avek impatience nou prochain l’assemblée special enn jour?
4 Pareil couma enn repas ki bon ek nourrissant, bann frere inn bien reflechi avant zot prepare sa l’assemblée special enn jour pou sa l’année-la ek zot inn prepare li avek beaucoup l’amour. Ki Jéhovah beni zot zeffort pou assisté ek tire profit ar sa “nourriture dan ler ki bizin[-la]” pou nourri bann ministre chretien lor plan spirituel.—Mat. 24:45.