Servi li dan tou l’occasion
1. Tract Konn la verité utile pou ki kitsoz?
1 Finn faire tract Eski ou ti pou content konn la verité? pou commence bann l’etude la Bible. Mais li aussi enn zouti efficace ki nou kapav servi pou seme bann la grain verité. (Eccl. 11:6) Ala deux-trois suggestion ki pou aide nou servi li couma bizin.
2. Couma nou kapav servi sa tract-la pou commence enn conversation?
2 Pou commence enn conversation: Ou kapav donne tract-la enn dimoune, montré-li six question ki ena lor premier page ek demann li: “Eski ena enn question ladan ki ou finn deja pose-ou-mem?” Apré ki dimoune-la inn reponn, guette dan tract-la reponse ki la Bible donné pou question ki dimoune-la inn choisir ek lire enn parmi bann verset la Bible ki’nn cité. Lire ou-soit faire enn resumé seki ena lor dernier page, ek offert dimoune-la livre Ki la Bible enseigné? Mem si dimoune-la pa accepté livre-la, li finn gagne tract-la, sa kapav faire la verité prend racine dan so leker.—Mat. 13:23.
3. Si enn dimoune occupé, ki nou kapav faire?
3 Si dimoune-la occupé: Ou kapav dire: “Parski li parette ki li pa enn bon moment, laisse mo quitte sa tract-la avek ou. Ena enn la liste six question ki la plupart dimoune finn posé ek li montré bien ki la Bible dire pou reponn sa bann question-la. Kan mo pou ré-joinde ou, mo ti pou content koné ki ou pensé lor la.”
4. Ki nou kapav dire kan nou pé offert sa tract-la lor la voie publik?
4 La voie publik: Ou kapav dire: “Bonjour. Eski ou finn deja pose-ou enn parmi sa bann question-la? [Laisse dimoune-la reponn.] Sa tract-la montré dan enn fason clair, bann bon reponse ki trouve dan la Bible.” Si dimoune-la pa pressé, ou kapav koz lor enn parmi bann reponse ki ena dan tract-la ek mem offert li livre Ki la Bible enseigné?
5. De temps en temps, couma nou kapav servi sa tract-la kot bann absent?
5 Bann absent: Dan certain territoire, bann proclamateur habitué quitte bann publication kot bann absent, zot quitte sa dan enn place kot bann dimoune ki passé pa pou trouvé. Si zot ena sa l’habitude-la dan ou congregation, kifer de temps en temps ou pa quitte tract Konn la verité? Kan ou retourne guette dimoune-la, ou kapav dire: “Kan nou ti passé dernier fois, ou pa ti la, alors nou ti quitte sa tract-la kot ou. Eski ou ti pou content gagne reponse pou enn parmi sa bann question-la?”
6. Kifer sa tract Konn la verité-la li bien utile pou preché?
6 Tract Konn la verité presente la verité dan enn fason simple ek direct. Li attire bann dimoune dan tou religion ek culture. Li facile pou presenté; mem bann jeune ek bann nouveau proclamateur kapav presente-li. Eski ou pé servi li dan tou bann bon l’occasion?