Eski Ou Disposé pou Adapté-Ou?

1. Parski ena bann changement dan le monde, ki nou bizin faire nou aussi?

¹ Dan 1 Corinthiens 7:31, la Bible compare le monde ar l’estrade enn theatre kot bann scene ek bann acteur touletan pé changé. Parski ena bann changement dan le monde, nou aussi nou bizin faire bann changement de temps en temps dan nou bann methode predication, nou programme, ek nou bann presentation. Eski ou disposé pou adapté-ou?

2. Kifer nou bizin adapté-nou pou avance ensam avek l’organisation?

² Ou Bann Methode Predication: Bann vrai Chretien finn touletan disposé pou adapté-zot. Au commencement, kan Jésus ti envoye so bann disciple preché, li ti dire zot pa prend okenn sac mangé ni l’argent dan zot bourse. (Mat. 10:9, 10) Mais plitar, li ti change sa bann instruction-la parski li ti koné ki dan lavenir so bann disciple ti pou gagne l’opposition ek aussi parski zot ti pou preche dan bann lezot territoire. (Luc 22:36) Dan siecle ki’nn passé, l’organisation Jéhovah inn servi diferan methode predication​—couma par exemple carte temoignage, bann programme dan radio ek l’auto avek haut-parleur​—ki ti approprié pou sa lepok-la. Azordi, dan beaucoup l’endroit bann dimoune rare kot zot. A cause sa, en plis nou predication lakaz-lakaz, l’organisation pé mette deplizanpli l’accent lor predication dan la voie publik ek temoignage informel. L’organisation finn aussi encourage nou pou preche lakaz-lakaz dan tantot si bann dimoune travail dan la journée. A mesure ki char celeste Jéhovah pé change direction, eski ou pé avance ensam avek li?​—Ézék. 1:20, 21.

3. Couma kan nou adapté-nou, sa aide nou pou vinn pli efficace dan nou territoire?

³ Ou Bann Presentation: Ki kitsoz pé tracasse bann dimoune dan ou l’endroit? Probleme l’economie? Famille? La guerre? Li bon nou konn bann probleme ki bann dimoune pé gagné ek bann situation ki ena souvent dan nou territoire parski sa pou aide nou prepare enn presentation approprié. (1 Cor. 9:20-23) Kan bann dimoune dire seki zot pensé, au lieu ki nou contigne avek presentation ki nou’nn preparé, li pli bon ki nou adapté nou presentation ar seki pé tracasse zot.

4. Kifer nou bizin pa tardé pou adapté-nou?

⁴ Bientot, dernier “scene” sa le monde-la pou fini, ek grand tribulation pou commencé. “Reste bien tigit le temps.” (1 Cor. 7:29) Alors, li bien important ki nou pa tardé pou adapté-nou pou ki nou kapav faire nou maximum dan sa tigit le temps ki resté-la!