Servi Nou Sit Internet dan Predikasion—« Questions bibliques »
Lor jw.org, dan seksion « La Bible et vous, » ena enn parti ki apel « Questions bibliques. » Dan sa parti-la ena bann kestion ki bann dimounn souvan poze. Li bon nou konn bien sa bann kestion. Kifer? Si nou zwenn enn dimounn ki anvi konn plis, nou kapav montre li kouma li kapav servi nou Sit Internet pou gagn bann repons ki sorti dan Labib. Nou kapav servi osi sa bann kestion-la pou koumans bann konversasion dan predikasion. Kouma nou pou fer sa? Dabor, nou swazir enn kestion ki pou interes bann dimounn dan nou teritwar. Nou poz dimounn-la sa kestion-la ek demann li so lopinion. Apre sa, nou servi rezonnman ki nou finn lir lor jw.org pou montre li seki Labib dir. An dernie, nou kapav explik li ouswa mem montre li kotsa nou finn gagn sa bann ransegnman-la. Nou kapav osi les li lir repons-la direk lor jw.org. Dan l’Amérique, madam enn sirveyan sirkonskripsion finn gagn boukou sikse kan li’nn dir bann dimounn: “Boukou demann zotmem, ‘Si nou pe soufer sa kantite-la, eski se Bondie ki responsab?’ Eski ou ti pou kontan gagn repons sa kestion-la dan zis 51 segonn?” Apre sa li fer dimounn-la ekout repons-la an version odio [an Angle] ki li’nn download lor so portab. Pou termine, li montre li sapit 11 dan liv Ki la Bible enseigné vremem?