Kouma Rann Temwaniaz Avek Prezantwar Ouswa Latab?

Rann temwaniaz avek prezantwar ouswa latab se enn mwayin bien efikas ki pe ed boukou dimounn sinser pou vinn ver laverite. (Zan 6:44) Akoz sa finn ankouraz bann ansien pou organiz predikasion dan bann plas piblik. Zot bizin swazir bann landrwa dan teritwar kot ena boukou dimounn ki ale-vini. An zeneral, parski bann prezantwar-la zot pa fix, pa neseser demann permision pou met zot dan sertin plas. Kisannla kapav partisip dan sa form predikasion-la? Bann proklamater ki ena enn bon zizman, ki bien prezantab, ek ki kapav koumans bann konversasion fasilman. Kouma nou kapav gagn bann pli bon rezilta?

Seki Bizin Fer:

Montre twa amikal ek zanti anver bann pasan. Sertin proklamater fer enn gran sourir ek dir bann dimounn enn bonzour amikal. Si enn kikenn pe get prezantwar, to kapav dir li: “Ou kapav pran piblikasion ki ou anvi.”
Debout enn distans apropriye ar prezantwar-la. Dan sertin plas, bann proklamater gagn boukou sikse kan zot debout apepre enn met ar prezantwar. Lezot finn remarke ki sa metod-la fer sertin pasan ezite pou arete. Alor zot prefer al inpe pli lwin ek atann ziska ki enn kikenn aret devan prezantwar. Kan zot trouv enn kikenn koste, zot esey koumans enn konversasion avek li. Zot dir: “Eski ou’nn deza poz oumem sa kestion-la?”
Servi Labib otan ki posib.
Ninport kisannla ki pran enn liv letid, kouma par exanp liv Ki la Bible enseigné?, montre li kouma enn letid Labib deroule. Demann li si to kapav zwe video Kifer Li Bon Etidie Labib? lor enn portab ouswa enn tablet.
Pran nom ek ladres bann dimounn interese. Si dimounn-la pa res dan to teritwar, ranpli enn form Veuillez suivre l’intérêt (S-43), ek donn sa sekreter pli vit posib.