Prepar Nou Bien pou Ansegn dan enn Fason Efikas

Dan omwin de lokazion, de dimounn ti poz Zezi mem kestion konsernan lavi eternel. Me sak fwa, li ti reponn dapre seki dimounn-la ti bizin. (Lik 10:25-28; 18:18-20) Kouma nou kapav imit li? Mem si nou konn bien piblikasion ki nou servi pou fer letid, nou bizin prepar li avan nou fer letid ek pans nou etidian anmemtan. Ki bann kitsoz etidian-la kapav gagn difikilte pou konpran ouswa aksepte? Parmi bann verse ki’nn site, lekel nou bizin lir avek li? Ki kantite bizin etidie avek li? Kitfwa nou pou bizin prepar enn lexanp, enn explikasion, ouswa enn seri kestion pou ed etidian-la konpran seki li pe aprann. Se Zeova ki fer lagrin laverite pouse dan leker. Akoz sa, nou bizin demann Zeova beni nou preparasion, beni etidian-la, ek beni zefor ki nou pe fer pou ed li lor plan spiritiel.​—1 Kor. 3:6; Zak 1:5.