Swiv Mwa: Ki sa Inplike?

9:62

Pou fer enn transe ki drwat, enn labourer pa kapav les li distrer par seki ena deryer li. Li parey osi pou enn Kretien, li pa kapav les li distrer par bann kitsoz ki li’nn les deryer li dan lemond.​—Fil 3:13.

Kan nou fer fas ar bann difikilte, li fasil pou pans ‘bann zour meyer,’ kitfwa avan nou vinn dan laverite. Kan sa ariv nou, souvan nou ena tandans pou exazere lor lazwa ki nou ti ena ek panse ki nou bann problem pa ti osi grav ki sa. Se seki bann Izraelit ti fer apre ki zot ti kit Lezip. (Nb 11:5, 6) Si nou kontign pans lor sa bann kitsoz-la, nou kapav tante pou rekoumans viv kouma nou ti pe viv avan. Li pou pli bon si nou pans lor bann benediksion ki nou pe gagne asterla, ek fixe nou lizie lor bann lazwa ki nou pou gagne dan lavenir gras-a Rwayom Bondie!​—2Ko 4:16-18.