BANN TREZOR DAN PAROL BONDIE | LEVITIK 4-5

Fer To Maximum pou Zeova

Dan Izrael, mem si enn dimounn ti bien pov, sa pa ti anpes li pou fer lape avek Zeova. Mem bann Izraelit ki ti bien pov ti kapav ofer Zeova enn sakrifis ki Li ti pou aksepte, tanki Izraelit-la ti fer so maximum. Zot ti kapav ofer lafarinn, me Zeova ti atann ki zot donn Li “bon lafarinn,” lafarinn ki ti servi pou enn invite inportan. (Ze 18:6) Azordi, Zeova aksepte “nou bann louanz kouma enn sakrifis,” tanki nou fer nou maximum ek sa, mem si nou limite.—Eb 13:15.

Kouma sa kapav ankouraz nou si nou nepli kapav fer kouma avan, kitfwa akoz enn move lasante ouswa ki nou nepli ena mem lafors?

Zimaz: De ser pe fer zot maximum pou donn Zeova zot ‘sakrifis louanz.’ 1. Enn ser ki pe servi dan enn teritwar ki koz enn lot lang, pe koz avek enn madam dan enn bazar. 2. Enn ser aze ki kot li, pe ekrir bann let.