Montre Lamour dan To Fami

Lamour li soud enn fami ansam. San lamour, li pou difisil pou ki enn fami res ini ek kontign travay ansam. Kouma bann mari, bann madam, ek bann paran kapav montre lamour dan lafami?

Enn mari ki ena lamour pran an konsiderasion seki so madam bizin, so lopinion, ek so bann santiman. (Ef 5:28, 29) Li pou donn so fami seki zot bizin lor plan materyel ek li pou ed zot pou vinn pros ar Zeova, par exanp kan zot ena enn Ladorasion an Fami ki regilie. (1Tim 5:8) Enn madam ki ena lamour pou soumet ar so mari ek li pou ena enn “profon respe” pou li. (Ef 5:22, 33, NW; 1Pi 3:1-6) Toulede konzwin bizin pre pou pardonn sakenn zot kamarad avek tou zot leker. (Ef 4:32) Bann paran ki ena lamour montre ki zot interese personelman ar sak zanfan ek ansegn zot pou kontan Zeova. (Dt 6:6, 7; Ef 6:4) Ki bann difikilte zot bann zanfan gagne dan lekol? Kouma zot pe fer fas ar presion zot bann kamarad? Kan ena lamour dan lafami, zot tou santi zot an sekirite.

GET VIDEO MONTRE ENN LAMOUR KI ZAME PA FINI DAN OU FAMI, EK APRE SA, REPONN SA BANN KESTION-LA:

• 

  Kouma enn mari ki ena lamour nouri ek pran swin so madam?

• 

  Kouma enn madam ki ena lamour montre ki li ena enn profon respe pou so mari?

• 

  Kouma bann paran ki ena lamour kontign repet Parol Bondie ar zot bann zanfan?