Met Twa dan Plas Lezot

Kan nou met nou dan plas lezot sa ed nou pou konpran zot fason panse, zot bann santiman, seki inportan pou zot ek seki zot bizin. Bann dimounn resanti kan nou fer zefor pou met nou dan zot plas, me pou kapav fer sa nou bizin vremem anvi ed zot. Kan nou met nou dan plas lezot dan predikasion, nou montre ki nou pe imit fason ki Zeova pran nou swin ek kontan nou. Ek sa atir bann dimounn anver Li.​—Fil 2:4.

Met nou dan plas lezot se pa zis enn metod pou ansegne; nou montre sa par fason nou ekoute ek koze, par nou latitid, nou bann zes ek osi par nou bann lexpresion figir. Met nou dan plas enn dimounn se osi montre enn lintere sinser pou li. Nou pran an konsiderasion seki interes li, so bann krwayans ek so sitiasion. Nou kapav donn li bann konsey ek enn led pratik, me fode pa nou met presion lor li pou ki li sanze. Kan bann dimounn avek ki nou prese aksepte nou led, sa ogmant nou lazwa dan nou minister.

GET VIDEO GAGN LAZWA POU FER BANN DISIP​—AMELIOR TO BANN KAPASITE KAN TO​—MET TWA DAN PLAS LEZOT, EK APRE SA, REPONN SA BANN KESTION-LA:

• 

  Kan Jade ti an-retar, kouma Neeta ti met limem dan plas Jade?

• 

  Kan Jade ti dir ki li tro fatige pou fer so letid, kouma Neeta ti met limem dan plas Jade?

• 

  Kan Jade ti dir ki li pa bien organize, kouma Neeta ti met limem dan plas Jade?