Tou Bann Problem Ena enn Dat Expirasion

Bann problem kapav dekouraz nou bien vit, sirtou kan zot dire pandan lontan. David ti kone ki sa leprev ki li ti pe sibir akoz Lerwa Sail la ti pou fini enn zour, ek ki li ti pou vinn lerwa parey kouma Zeova ti promet. (1Sa 16:13) So lafwa ti ed li pou ena pasians ek atann ki Zeova sanz so sitiasion.

Kan nou pe fer fas ar enn leprev, nou kapav servi nou lintelizans, nou konesans, ek nou kapasite pou diserne pou sanz nou sitiasion. (1Sa 21:12-14; Pr 1:4) Me selman, sertin difikilte kapav kontigne mem si nou’nn fer tou kitsoz dapre bann prinsip Labib. Dan sa bann ka-la, nou bizin kontign ena pasians ek atann Zeova azir. Biento, Li pou tir tou bann soufrans ek ‘pou souy tou nou larm.’ (Re 21:4) Mem si nou problem rezoud gras-a led Zeova ouswa akoz enn lot rezon, enn kitsoz ki nou sir, se ki tou nou bann problem ena enn dat expirasion. Kan nou konn sa, sa kapav rekonfort nou.

GET VIDEO ENN PEP KI INI DAN ENN LEMOND KI DIVIZE, EK APRE SA, REPONN SA BANN KESTION-LA:

• Ki bann difikilte sertin Kretien dan lesid Letazini inn gagne?

• Kouma zot inn montre lamour ek pasians?

• Kouma zot inn kontign konsantre lor “bann kitsoz ki pli inportan”?​—Fil 1:10, NW