NOU LAVI KRETIEN
Fer Zefor pou Konn Fason Panse Bondie
Nou anvi fer Zeova plezir dan tou seki nou fer. (Pr 27:11) Pou nou fer sa, nou bizin pran bann desizion ki an-akor avek so fason panse, mem kan pena okenn lalwa presi ki kapav gid nou. Ki kapav ed nou pou fer sa?
Ena enn bon program lektir ek letid Labib. Sak fwa ki nou lir Labib, se koumadir nou pe pas letan avek Zeova. Nou kapav aprann lor fason panse Zeova kan nou gete kouma Li’nn azir avek so pep ek kan nou examinn bann bon ek bann move lexanp ki ena dan Labib. Kan nou ena pou pran enn desizion, lespri sin kapav rapel nou bann leson inportan ek bann prinsip ki nou’nn aprann dan Parol Bondie.—Zn 14:26.
Fer bann resers. Kan to bizin pran enn desizion, demann tomem, ‘Ki bann verse ouswa zistwar dan Labib kapav ed mwa pou konpran fason panse Zeova lor sa size-la?’ Priye pou gagn led Zeova, ek servi bann zouti resers ki disponib dan to lang pou trouv ek aplik bann prinsip Labib ki adapte ar to sitiasion.—Ps 25:4.
GET VIDEO NOU BIZIN “GALOUP AVEK LANDIRANS”—MANZ BANN MANZE NOURISAN, EK APRE SA, REPONN SA BANN KESTION-LA:
Ar ki bann presion sa zenn ser-la inn bizin fer fas?
Kouma kan to fer bann resers dan bann piblikasion sa kapav ed twa pou fer fas ar sa bann kalite presion-la?
Kan nou ena pou pran bann desizion, kifer li bon ki nou pran letan pou etidie ek fer bann resers?—Eb 5:13, 14, NW