Ranforsi To Konfians ki Zeova Ena Pouvwar pou Sap Twa

Lir Nonb 13:25–14:4 pou trouve kouma bann Izraelit pa ti fer Zeova konfians.

Aprann plis lor zistwar-la. Kan zot ti kit Lezip, kifer bann Izraelit ti bizin ena konfians ki Zeova ti ena pouvwar pou sap zot? (Ps. 78:12-16, 43-53) Ki kitsoz ti fer zot koumans perdi konfians an Zeova? (Det. 1:26-28) Kouma Zozwe ek Kaleb ti montre ki zot ti fer Zeova konfians?—Nonb 14:6-9.

Fer bann resers. Ki bann Izraelit ti kapav fer pou ogmant zot konfians an Zeova? (Ps. 9:10; 22:4; 78:11) Ki lien ena ant ena konfians an Zeova ek ena respe pou Li?—Nonb 14:11.

Reflesi lor bann leson. Demann tomem:

• ‘Dan ki sitiasion mo kapav trouv sa difisil pou fer Zeova konfians?’

• ‘Kouma mo kapav ranforsi mo konfians dan Zeova depi aster-la mem, ek ankor plis dan lavenir?’

• ‘Avan ki gran soufrans koumanse, ki kitsoz mo bizin sir depi aster-la mem?’—Lik 21:25-28.