Not

a 1 Samiel 19:1-6: “¹ Finalman, Sail ti koz ar so garson, Yonatann, ek ar tou so bann serviter pou touy David. ² Yonatann, garson Sail, ti bien kontan David, ek akoz sa, Yonatann ti dir David: ‘Mo papa Sail anvi touy twa. Silteple fer atansion gramatin, ek al dan enn landrwa sekre ek kasiet laba. ³ Mo pou sorti ek mo pou debout kot mo papa dan landrwa kot to pou ete. Mo pou koz pou twa ar mo papa, ek si mo aprann kitsoz, to kapav sir ki mo pou dir twa.’ ⁴ Alor Yonatann ti koz an bien lor David ar Sail so papa. Li ti dir li: ‘Fode pa ki lerwa fer pese kont so serviter David, parski li pa finn fer pese kont twa ek seki li’nn fer, finn fer twa gagn bann bienfe. ⁵ Li finn riske so lavi pou touy sa Filistin-la, pou ki Zeova fer Izrael an-antie gagn enn gran viktwar. To ti trouv sa, ek to ti extra kontan. Alor kifer to pou fer pese kont disan enn inosan kan to pe rod touy David pou nanye?’ ⁶ Sail ti ekout Yonatann, ek Sail ti fer sa serman-la: ‘Parey kouma vremem Zeova vivan, li pa pou mor.’”