Not

a 1 Lerwa 17:17-24: “¹⁷ Apre sa bann kitsoz-la, garson sa madam ki ti proprieter sa lakaz-la ti tom malad, ek so maladi ti vinn telman grav ki li ti aret respire. ¹⁸ Alor li ti dir Eliya: ‘Ki to ena kont mwa, A serviter vre Bondie? Eski to’nn vinn kot mwa pou rapel mwa mo pese ek pou fer mo garson mor?’ ¹⁹ Me Eliya ti dir li: ‘Donn mwa to garson.’ Lerla li’nn pran garson-la dan lebra so mama ek li’nn amenn li dan lasam lao, kot li ti pe reste. Ek li’nn poz li lor so lili. ²⁰ Lerla Eliya ti priye Zeova: ‘A Zeova, mo Bondie, eski to pe osi amenn maler lor sa vev kot mo pe reste la ek fer so garson mor?’ ²¹ Lerla li ti alonz li lor sa zanfan-la trwa fwa ek li ti priye Zeova: ‘A Zeova mo Bondie, silteple, fer lavi sa zanfan-la revinn dan li.’ ²² Zeova ti ekout lapriyer Eliya, ek sa zanfan-la ti regagn lavi, ek ti rekoumans viv. ²³ Eliya ti pran zanfan-la ek ti desann li dan lasam anba ek ti retourn li ar so mama; ek Eliya ti dir: ‘Gete, to garson vivan.’ ²⁴ Lerla madam-la ti dir Eliya: ‘Asterla mo kone ki to vremem enn zom ki Bondie inn avoye ek ki parol Zeova ki sorti dan to labous, li vre.’”