Fer Li ar Tou To Leker

Seki Zezi Ti Fer

VIDEO: Zezi Ansegn Nikodem

1. Get VIDEO, ouswa lir Zan 3:​1, 2. Apre sa, reponn sa bann kestion-la:

1. Pou ki rezon kitfwa Nikodem ti prefer vinn get Zezi aswar?—Get Zan 12:​42, 43.

2. Kan Zezi ti aksepte pou zwenn Nikodem aswar, kouma sa montre ki li ti met tou so leker dan so laktivite pou fer bann disip?

Ki To Kapav Aprann ar Lexanp Zezi?

2. To montre ki to kontan bann dimounn kan to met tou to leker dan to laktivite pou fer bann disip.

Swiv Lexanp Zezi

3. Etidie dan ler ek landrwa ki pli bon pou to etidian. Si li swazir enn zour ouswa enn ler pou fer letid, adapte twa. Demann tomem: ‘Eski li pou plis alez pou fer letid-la lakaz kot li, dan so travay, ouswa dan enn landrwa piblik?’ Si to kapav, sanz to bann labitid pou to kapav fer so letid dan ler ek landrwa ki li li anvi.

4. Fer so letid regilierman. Si to pa lib zour ki zot abitie fer letid, pa kennsel letid-la. Reflesi lor sa bann opsion-la:

1. Eski to kapav fer so letid enn lot zour dan lasemenn?

2. Eski to kapav fer so letid par telefonn ouswa par video-konferans?

3. Eski enn lot proklamater kapav ranplas twa?

5. Priye Zeova pou res pozitif. Mem si to etidian pa regilie ouswa li pa pe met an pratik seki li pe aprann, demann Zeova so led pou to kontign ed li avek tou to leker. (Fil. 2:13) Demann Li pou ed twa pou res konsantre lor bann zoli kalite ki to etidian ena.