KOUMA POU FER FAS AR STRES?
Enn Lavi San Okenn Stres—Eski Li Posib?
Sazes ki ena dan Labib kapav ed nou pou evit bann stres initil. Nou pa kapav eliminn tou bann kitsoz ki stres nou. Me nou Kreater Li, Li kapav. Li finn mem swazir enn kikenn pou sov nou, setadir Zezi Kris. Kan Zezi ti lor later, li ti fer bann kitsoz extraordiner. Me biento li pou fer bann kitsoz pli extraordiner ankor dan lemond antie. Kouma par exanp:
ZEZI POU GERI BANN MALAD, PAREY KOUMA LI TI FER AVAN.
“Li ti geri bann dimoun avek toutsort kalite malad.”—MATIE 4:23
ZEZI POU DONN TOU DIMOUNN MANZE EK ENN PLAS POU RESTE.
“Zot [bann dimounn lor ki Zezi Kris pou dirize] pou ranz bann lakaz ek zot pou res ladan, zot pou plant bann karo rezin ek zot pou manz zot bann frwi. Zot pa pou ranze pou ki enn lot reste, ni zot pou plante pou ki enn lot manze.”—IZAI 65:21, 22.
KAN ZEZI POU DIRIZE POU ENA LAPE EK SEKIRITE LOR LATER ANTIE.
“Drwatir [pou] fleri pandan so regn e . . . [“pou ena lape an-abondans,” NW] tanki lalinn eklere. Li pou regn lor enn lamer ziska enn lot, . . . so ennmi pou depoz zarm dan zot defet.”—PSOM 72:7-9.
ZEZI POU TIR TOU LINZISTIS.
“Li pitie bann pov ek bann feb; li sap lavi bann ki bizin led. Li anpes dominer fer bann feb ek pov pas mizer.”—PSOM 72:13, 14.
ZEZI POU MEM TIR SOUFRANS EK LAMOR.
“Pa pou ena ni lamor, ni dey, ni lamantasion, ni douler.”—REVELASION 21:4.