Enn Kaset Video Ki Pu Ekler U, Tus U Buku ek Motiv U!
Sa ti pase an Avril 1951. Sa zur la, guvernman ti fors enn kantite Temwin Zeova, parmi ti ena bann fami an antye, pu rant dan bann vagon, ek ti deport zot an Sibérie. Kifer eski sa pwisan guvernman Soviétique la ti byin deside pu detrir sa bann dimunn la? Kuma eski nu bann frer finn reysi res vivan ek mem prospere malgre plizir lane persekisyon byin kriyel? U pu truv repons sa bann kestyon la dan video Faithful Under Trials—Jehovah’s Witnesses in the Soviet Union. Get sa video la, ek les sa bann linformasyon la pus u pu res fidel ar Zeova, mem ki arive!
Eski u kapav reponn sa bann kestyon la? (1) Kan eski pu premye fwa guvernman ti rekonet bann Temwin Zeova dan La Russie? (2) Avan ek apre II Lager Mondyal, kuma eski bann fami Temwin finn ogmante par plizir milye dan l’Union soviétique? (3) Kuma eski zot bann krwayans ti konpletman diferan avek lanseynman Lénine? (4) Ki ete Operasyon Nor, ek ki Staline ti espere fer grasa sa? (5) Bann Temwin ti deporte dan Sibérie, ki sa ti reprezante pu zot, ek ki ti demann zot fer pu pa deport zot? (6) Nu bann frer ek ser ti bizin fer enn long vwayaz par trin pu al dan Sibérie. Pandan sa vwayaz la, ki zot ti fer pu zot ankuraz zot ant zot, ek an mem tan fer zot bann lennmi dekonserte? (7) Ki mizer bann Temwin ti pase dan Sibérie? (8) Ki led spirityel, lepep Zeova ti byin apresye, ek kifer? (9) Kifer eski nu bann frer ti pre pu riske zot lavi pu gayn bann piblikasyon, ek kuma eski zot finn reysi, mem si bann lotorite ti fer zefor pu anpes zot gayn sa? (10) Kuma eski Khrushchev ti kontiyn atak lepep Bondye? (11) Kuma eski bann ofisye dan guvernman ti sey detrir lafwa bann zanfan Temwin Zeova? (12) Ki kitsoz ki ti byin kler pu nu bann frer an seki konsern rezon kifer zot pe gayn persekisyon? (L’Annuaire des Témoins de Jéhovah 2002, paz 203-4) (13) Guvernman ti servi tu mwayin pu atak bann Temwin. Me ki lefe kontrer sa finn ena? (L’Annuaire des Témoins de Jéhovah 2002, paz 220-1) (14) Ki kitsoz, ki enn lepok ti selman bann rev pu bann Temwin, finn realize dan l’ex-Union soviétique? (15) Ki kitsoz finn ed nu bann frer pu tini ferm dan persekisyon, ek kuma eski dernye parti sa video la montre ki bann parol Zeremi 1:19, zot byin vre? (16) Sit legzanp enn kikenn ki finn res fidel malgre bann persekisyon, ki’nn tus u buku ek pus u pu azir.