Aide bann etudiant pou vinn bann proclamateur la bonne nouvelle
1 Mission ki Jésus ti donne so bann disciple ek ki’nn ecrire en Matthieu 28:19, 20 ti vrai-mem enn grand travail. Zot ti gagne l’ordre pou faire encore bann disciple, ki zot aussi, a zot tour, ti pou contigne sa travail pou faire bann disciple-la. Ti pou ena enn base pou ki la bonne nouvelle preché partout lor la terre dan lepok la fin, enn lepok special kot nou pé vive zordi.—Mat. 24:14.
2 Nou bann etudiant la Bible, zot kitfois nou bann zenfant ou-soit bann lezot dimoune ki envie etudié la Bible avek nou. Nou sincerement envie aide sa bann dimoune-la pou zot accepté zot responsabilité pou aide lezot pou vinn bann disciple Jésus Christ.—Luc 6:40.
3 Prepare bann etudiant pou donne temoignage: Encourage bann ki etudié avek ou pou partage seki zot pé aprann avek lezot. Raconte bann experience dan predication ki pou encourage bann etudiant-la. Forme ou zenfant depuis boner pou participe dan ministere dan enn fason efficace dapré zot capacité. (Ps. 148:12, 13) Montré-zot par ou parole ek ou action ki ou ministere ena enn place important dan ou la-vie.—1 Tim. 1:12.
4 Jéhovah servi zis bann ki accepté ek ki obeir so bann principe juste. Bien sur, bann nouveau proclamateur pa konn autant kitsoz ki bann proclamateur ki voué ek baptisé ek ki ena l’experience. Mais bann nouveau proclamateur bizin croire ek bizin kapav explik bann enseignement biblik de base. (Guette livre Organisés p. 79-82.) Parski zot finn completement separé avek “Babylone la Grande” ek zot nepli prend part dan politik, zot bizin pé assisté reunion regulierement.—Rév. 18:2, 4; Jean 17:16; Héb. 10:24, 25.
5 Si ou pensé ki enn parmi ou bann etudiant la Bible rempli bann condition pou vinn enn proclamateur non-baptisé, desuite faire surveillant-president koné. Li pou faire l’arrangement pou ki deux ancien joinde ou ek ou etudiant pou guetté si li rempli bann condition pou vinn enn proclamateur non-baptisé ek annonce la bonne nouvelle ensam avek la congregation. Lerla ou pou ena sa privilege pou contigne formation ou etudiant a mesure ki li pou accompagne ou dan predication.