Pou bizin ‘preche sa bon nouvelle-la!’
1. Couma nou koné ki pena nanyin ki kapav arrete travail predication?
1 Pena nanyin ki kapav empeche Jéhovah accompli so volonté. (Is. 14:24) Mem si li ti parette impossible ki juge Guidéôn avek so 300 zom gagne la victoire kont enn l’armée 135,000 soldat madianite, Jéhovah ti dire li: “Mo garanti toi, to pou sauve Israël dan la main Madiân. Pa moi ki pé envoye toi?” (Juges 6:14) Ki travail ki Jéhovah pé soutenir zordi? Jésus ti dire: “Sa bon nouvelle lor royaume-la pou preché partout kot dimoune resté lor la terre.” (Mat. 24:14) Personne pa pou kapav arrete sa travail-la!
2. Kifer nou kapav attann ki Jéhovah pou aide nou personnellement dan nou ministere?
2 Jéhovah aide nou lor plan personnel: Alors ki nou kapav sur ki Jéhovah aide so bann Témoins en tant ki groupe, eski nou kapav attann ki Jéhovah aide nou lor plan personnel? Kan l’apotre Paul ti bizin l’aide, li ti senti ki Jéhovah ti pé soutenir li personnellement, par so Garson, Jésus. (2 Tim. 4:17) Nou kapav sur ki Jéhovah pou beni aussi bann zeffort ki nou faire personnellement pou accompli so volonté.—1 Jean 5:14.
3. Dan ki situation Jéhovah aide nou?
3 Eski a cause bann tracas ki ena dan la vie, ou pena beaucoup la force pou ou consacré dan ou ministere? “Li donne la force seki fatigué.” (Is. 40:29-31) Eski ou pé bizin faire face ar persecution ou-soit l’opposition? “Jette to fardeau lor Jéhovah Li-mem, ek Li-mem Li pou soutenir toi.” (Ps. 55:22) Eski parfois ou mank l’assurance? “Allé, ek moi mo pou avek to la bouche.” (Ex. 4:11, 12) Eski ou ena bann probleme la santé ki limite seki ou kapav faire dan ministere? Bann zeffort sincere ki ou faire, mem si li tigit, li ena enn valeur pou Jéhovah ek Li kapav servi sa.—1 Cor. 3:6, 9.
4. Couma confiance ki nou ena en Jéhovah pou aide nou?
4 Jéhovah finn “dresse so la main, ek kisannla ki kapav faire Li ramasse so la main?” (Is. 14:27) Nou ena confiance ki Jéhovah pou beni nou ministere, alors, anou contigné preche “avek zele par l’autorité Jéhovah.”—Actes 14:3.