“Eski to’nn deza trouv enn zom ki bien abil dan so travay? Se devan bann lerwa ki li pou deboute, pa devan bann dimounn ordiner.”

Proverbes 22:29

“Fode ki sa kikenn ki kokin-la aret kokin; okontrer li bizin travay dir, fer bon travay avek so de lame, pou ki li ena kitsoz pou partaz avek enn kikenn ki bizin led.”

Éphésiens 4:28

“Ki sakenn manze ek bwar ek gagn satisfaksion pou tou sa travay dir ki li’nn fer la. Sa se enn don Bondie.”

Ecclésiaste 3:13

“Sa dimounn ki kontan diverti la pou tom dan lamizer; sa dimounn ki kontan divin ek delwil la pa pou vinn ris.”

Proverbes 21:17

“Sa dimounn ki pran prete la li esklav sa dimounn ki’nn pret li la.”

Proverbes 22:7

“Kisannla parmi zot ki anvi ranz enn latour, pa pou asize avan pou kalkile komie sa pou koute pou gete si li ena ase kas pou fini travay la? Sinon, li kapav koul baz me li pa pou reisi fini li, ek lerla tou bann dimounn ki pou trouv sa pou koumans riy li, ek pou dir: ‘Sa zom-la finn koumans ranze me li pa’nn reisi fini.’”

Luc 14:28-30

“Kan zot inn fini manze ziska ki zot vant inn plin, li dir so bann disip: ‘Ramas bann bout-bout ki’nn reste, pou ki pena okenn gaspiyaz.’”

Jean 6:12

“Vo mie enn pla legim, la kot ena lamour ki enn toro bien angrese, la kot ena laenn.”

Proverbes 15:17

“Mwa, Jéhovah, momem to Bondie, Momem ki ansegn twa pou to profi, Momem ki gid twa lor semin kot to bizin marse.”

Isaïe 48:17

“Ere bann ki rekonet ki zot pov lor plan spiritiel, parski Rwayom ki dan lesiel pou zot.”

Matthieu 5:3

“To bizin kontan to prosin kouma tomem.”

Matthieu 22:39

“Seki to ti pou kontan lezot fer pou twa, fer samem pou zot.”

Luc 6:31

“Ere bann dimounn ki tann parol Bondie ek ki obeir li!”

Luc 11:28

“Kan enn dimounn dan labondans, so lavi pa depann lor bann kitsoz ki li ena.”

Luc 12:15

“Alor, si nou ena manze ek linz, nou pou kontant nou ar sa bann kitsoz-la.”

1 Timothée 6:8

“Ena plis lazwa kan done ki gagne.”

Actes 20:35

“Zet to fardo lor Jéhovah, ek Li pou soutenir twa. Zame Li pou les enn kikenn drwat, tonbe.”

Psaume 55:22

“Bann plan enn kikenn ki travay dir vremem pou reisi, me tou bann ki tro prese pou azir vremem pou tom dan lamizer.”

Proverbes 21:5

“Pa per, parski mo avek twa. Pa trakase, parski mo to Bondie. Mo pou fortifie twa, wi, mo pou ed twa, mo pou vremem trap twa for avek mo lame drwat lazistis.”

Isaïe 41:10

“Kisannla, kan li trakase, kapav azout enn sel koude ar so lavi?”

Matthieu 6:27

“Alor zame pa trakase pou landemin, parski landemin pou ena so prop traka. Traka sak zour li ase.”

Matthieu 6:34

“Verifie bien bann kitsoz ki pli inportan.”

Philippiens 1:10

“Pa trakase pou okenn kitsoz, me dan tou kitsoz, par lapriyer ek siplikasion avek bann remersiman, demann Bondie seki zot bizin; ek lape Bondie ki depas tou konesans, pou protez zot leker ek zot lespri, par mwayin Christ Jésus.”

Philippiens 4:6, 7

MARI/PAPA

“Se dan sa mem fason-la ki bann mari bizin kontan zot madam parey kouma zot prop lekor. Enn misie ki kontan so madam kontan limem, parski zame personn pa’nn ena laenn pou so prop lekor, okontrer li nouri li ek li pran li swin . . . Sakenn parmi zot bizin kontan so madam parey kouma li kontan limem.”

Éphésiens 5:28, 29, 33

“Zot, bann papa, pa enerv zot zanfan, me kontign elve zot dan disiplinn ek dan lavertisman Jéhovah.”

Éphésiens 6:4

MADAM

“Madam-la li, li bizin ena enn profon respe pou so mari.”

Éphésiens 5:33

“Zot bann fam, soumet ar zot mari, parey kouma Lesegner demande.”

Colossiens 3:18

ZANFAN

“Zanfan, obeir zot paran parey kouma Lesegner oule, parski sa li enn kitsoz ki drwat. ‘Onor to papa ek to mama’ samem premie komannman ki vinn avek enn promes: ‘Pou ki tou kapav mars bien pou twa ek ki to viv lontan lor later.’”

Éphésiens 6:1-3

“Zanfan, obeir zot paran dan tou kitsoz, parski sa fer plezir Lesegner.”

Colossiens 3:20