Zezi Ti Donn Loner So Papa

7:15-18, 28, 29; 8:29

Dan tou seki li ti dir ek fer, Zezi ti donn loner so Papa ki dan lesiel. Zezi ti anvi ki bann dimounn kone ki so mesaz sorti kot Bondie. Akoz samem, so lansegnman ti baze lor bann Lekritir ek souvan li ti sit zot. Kan ti donn Zezi loner, li pa ti pran sa loner-la pou li me li ti donn loner-la Zeova. Seki ti pli inportan pou li se fer travay ki Zeova ti donn li pou fer.​—Zn 17:4.

Kouma nou kapav imit Zezi kan . . .

• nou pe ansegne pandan enn letid ouswa lor lestrad?

• lezot felisit nou?

• nou deside kouma pou servi nou letan?