LESON 12

Lamour ek Konpasion

1 Tesalonisien 2:7, 8

REZIME: Kan to koze, montre to santiman sinser ek montre ki to pran kont bann ki pe ekout twa.

Pans bann ki pou ekout twa. Prepar to leker kan to pans bann problem ar ki bann dimounn pe fer fas. Esey mazinn seki zot resanti.
Swazir bien to bann mo. To lobzektif se pou ankouraz, rekonfort, ek redonn lafors bann ki pe ekout twa. Pa servi bann lexpresion ki kapav sok bann ki pa Temwin, ek pa kritik zot krwayans ar ki zot bien atase.
Montre to lintere pou zot. Avek enn ton lavwa ki agreab pou tande ek bann zes ki apropriye, montre bann dimounn ki vremem zot konte pou twa. Vey bien lor bann lexpresion to figir ek fer enn sourir detanzantan.

Pa exazere ouswa forse pou exprim to bann santiman. Kan to pe lir, exprim bann santiman ki apropriye, me pa tro atir latansion lor twa. Koz dan enn fason ki exprim lamour ek bonte.