KANTIK 108
Lamour Fidel Bondie
1. Zeova Li lamour.
So lamour gid nou toulezour.
Li finn donn nou so sel Garson
Ki’nn donn so lavi an ranson.
Nou gagn lesperans gras-a li,
Bann rekonpans, ek vre lavi.
(REFRIN)
Zot tou ki gagn swaf, vini,
Ek vinn bwar delo lavi.
Wi, vinn bwar, ek aksepte
Lamour fidel Bondie.
2. Zeova Li lamour,
Tou kitsoz Li’nn fer ar lamour.
Li’nn montre so lamour fidel,
Li’nn fer Kris Lerwa dan lesiel.
So proze pou realize,
Rwayom inn koumans dirize.
(REFRIN)
Zot tou ki gagn swaf, vini,
Ek vinn bwar delo lavi.
Wi, vinn bwar, ek aksepte
Lamour fidel Bondie.
3. Zeova Li lamour,
Nou anvi montre mem lamour.
Bann ki ena limilite,
Nou ed zot gard Parol Bondie.
Ar kouraz ek zel nou prese,
Ar lakrint nou servi Bondie.
(REFRIN)
Zot tou ki gagn swaf, vini,
Ek vinn bwar delo lavi.
Wi, vinn bwar, ek aksepte
Lamour fidel Bondie.
(Get osi Ps. 33:5; 57:10; Efe. 1:7.)