Enn mythe amenn enn lot

“FAIRE attention.” C’est seki l’apotre Paul ti ecrire bann chretien ki ti vive dan deuxieme moitié premier siecle nou lepok. Kont ki kitsoz li ti donne sa l’avertissement-la? “Kapav arrivé ki enn kikenn entraine zot couma so victime par moyen philosophie ek tromperie ki dan vide dapré tradition bann zom.”—Colossiens 2:8.

Malgré l’avertissement Paul, au millieu deuxieme siecle nou lepok, certain chretien ti commence servi pensée bann ancien philosophe pou explik zot bann croyance. Kifer? Zot ti envie ki bann dimoune ki ti ena enn grand l’education dan l’empire romain accepté zot ek coumsa zot ti pou faire beaucoup nouveau disciple.

Justin, ti enn parmi sa bann chretien-la. Li ti ena enn grand reputation ek li ti pensé ki Porte-parole Bondié, Jésus, finn revele li-mem ar bann philosophe grec bien longtemps avant ki li vinn lor la terre. Justin ek lezot enseignant ki ti enseigne mem l’idée ki li, ti pensé ki si ti ajoute inpé philosophie ek mythologie dan religion chretien sa ti pou faire sa religion-la touche tou sorte qualité dimoune.

Religion chretien ki Justin ti developpé ti gagne beaucoup succès parski beaucoup dimoune ti converti pou vinn dan sa religion-la. Mais selman, kan zot finn adopté enn mythe, sa finn amenn zot pou crée lezot encore, ek sa finn produire seki beaucoup zordi considere couma bann doctrine chretien. Pou demaské sa bann mythe-la, faire enn comparaison avek seki bann livre reference dire ek seki la Bible vrai-mem enseigné.

[Zimage page 3]

[Remerciement photo page 3]

Diable: Barrators—Giampolo/The Doré Illustrations For Dante’s Divine Comedy/Dover Publications Inc.; ange: Art Resource, NY; trinité: Museo Bardini, Florence