Mythe 1: Nâme li immortel

Ki l’origine sa mythe-la?

“Bann premier philosophe chretien ti adopté enn l’idée grec lor l’immortalité nâme ek ti pensé ki Bondié ti crée nâme ek ti mette sa dan enn lekor kan li pé formé dan ventre.”—The New Encyclopædia Britannica (1988), volume 11, page 25.

Ki la Bible dire?

“Nâme ki faire peché, c’est li-mem ki pou mort.”—Ézékiel 18:4, Louis Segond (1910).

Concernant creation premier nâme humain, la Bible dire: “Bondié ti forme zom avek la poussiere la terre ek ti soufflé enn respiration la vie dan so néné, ek zom ti vinn enn nâme vivant [en hébreux nèphèsh].”—Genèse 2:7, Ostervald.

Mot hébreu nèphèsh, ki traduire par “nâme,” vedir ‘enn creature ki respiré.’ Kan Bondié ti crée premier zom, Adam, c’est pa enn nâme immortel ki Li ti mette dan Adam mais la force la vie, ek grace a respiration, sa la force-la ti contigne agir en li, ek ti permette li vive. Alors, dapré la Bible “nâme” represente enn dimoune en entier. Si separe li avek sa la force la vie ki Bondié inn donné au commencement-la, nâme-la mort.—Genèse 3:19; Ézékiel 18:20.

L’enseignement ki dire ki nâme pa mort souleve bann question: Kot bann nâme allé apré la mort? Ki arrive nâme bann mauvais dimoune? Kan sa bann soit-disant chretien-la finn adopté mythe lor l’immortalité nâme, sa finn amenn zot pou accepté enn lot mythe—l’enseignement lor l’enfer.

Examine sa bann verset la Bible-la: Ecclésiaste 3:19; Matthieu 10:28; Actes 3:23