Mythe 5: Marie c’est mama Bondié

Ki l’origine sa mythe-la?

“Kan bann grand la foule païen ti tourne zot vers l’eglise . . . sa ti favorise l’adoration mama Bondié. . . . Zot ti developpe enn grand devouement ek enn l’attachement pou zot religion pendant plusieurs millier l’année a travers l’adoration déesse ‘grand mama’ ek ‘sainte vierge.’ ”—The New Encyclopædia Britannica (1988), volume 16, page 326 ek 327.

Ki la Bible dire?

“To pou tombe enceinte ek to pou gagne enn garson; to pou appel li Jésus. Li pou vinn enn kikenn ki grand, pou appel li Garson Très-haut . . . c’est a cause sa, ki sa kikenn ki pou né-la li pou saint, ek pou appel li Garson Bondié.”—C’est nou ki’nn souligné; Luc 1:31-35, Traduction officielle de la liturgie.

Sa passage la Bible-la montré dan enn fason clair ki Marie li ti mama “Garson Bondié,” mais pa mama Bondié Li-mem. Eski li ti pou kapav garde dan so ventre sa Kikenn ki ‘le ciel li-mem pa kapav tenir-la’? (1 Rois 8:27) Jamais li’nn pretann enn kitsoz coumsa. C’est l’enseignement lor Trinité ki finn crée bann confusion lor l’identité Marie. Kan ti ena enn l’assemblée kot ti ena bann l’eveque ek bann specialiste lor la religion dan Éphèse, en 431 nou lepok, zot ti proclame Marie Théotokos (enn mot grec ki vedir “ki donne naissance Bondié”), ou-soit “Mama Bondié,” sa ti encourage l’adoration pou Marie. La ville Éphèse kot ti ena sa l’assemblée-la, ti pendant plusieurs siecle centre kot ti celebré culte Artémis, enn déesse fertilité.

Alors beaucoup bann pratik ki ti ena dan l’adoration zimage Artemis ki “finn sorti dan le ciel finn tombé,” couma par exemple la procession, ti rente dan l’adoration pou Marie. (Actes 19:35) Enn lot pratik ki doucement-doucement ti rente dan l’enseignement chretien c’est ki ti servi bann zimage Marie ek lezot zimage dan l’adoration.

Examine sa bann verset la Bible-la: Matthieu 13:53-56; Marc 3:31-35; Luc 11:27, 28