“Guette sa Bann Joli Zimage-la!”

Comié fois eski ou finn dire sa ar ou-mem ou-soit ar lezot kan ou finn ouvert enn nouveau Tour de Garde? Sa bann zimage ek sa bann photo ki’nn bien faire-la zot ena enn l’objectif. Zot aide nou pou reflechi ek zot touche nou sentiment. Zot surtout kapav aide nou kan nou prepare La Tour de Garde ek kan nou participé dan reunion.

Par exemple, reflechi kifer finn mette sa premier zimage ki trouve dan commencement chaque lartik letid-la. Ki li representé? Couma li ena enn rapport avek titre lartik-la ou-soit avek so verset-clé? Concernant bann lezot zimage, reflechi couma zot ena enn rapport avek sujet ki nou pé examiné ek avek ou prop lavi.

Surveillant letid La Tour de Garde pou donne l’occasion bann membre congregation pou faire bann commentaire lor chaque zimage. Li kapav demann zot couma sa bann zimage-la applik ar letid ki pé faire ou-soit couma sa touche zot personnellement. Dan certain cas, ena enn reference dan zimage-la pou montré ki li ena enn rapport avek enn paragraphe precis. Dan lezot cas, surveillant-la kapav decidé avek ki paragraphe li pou pli bon pou koz lor enn zimage. Dan sa fason-la, tou dimoune pou gagne bann grand bienfait ar tou seki’nn faire pou aide bann lecteur faire vision bann l’enseignement ki trouve dan Parole Bondié.

Enn frere dire ki apré ki li’nn lire enn joli lartik, bann zimage ki ena ladan faire lartik-la ankor pli interessant.