Ki Labib Dir?

Eski enn zour pou ena vre lazistis lor later?

Ki ou pou reponn?

• Wi

• Non

• Kitfwa

Seki Labib dir

“Mo kone ki Zeova pou defann bann malere ek ki Li pou fer bann pov gagn lazistis.” (Psom 140:12, NW.) Rwayom Bondie pou amenn vre lazistis lor later.

Ki nou kapav aprann ankor dan Labib?

• Bondie pe trouv bann linzistis ki ena lor later, ek Li pou amenn bann sanzman.​—Ekleziast 5:8.

• Kan Bondie pou fer lazistis, sa pou amenn lape ek sekirite lor later.​—Izai 32:16-18.

Eski Bondie prefer enn group dimounn plis ki enn lot?

Sertin dimounn dir ki Bondie inn beni ouswa inn modi sertin group dimounn, alor ki lezot krwar ki Bondie tret tou dimounn parey. Ki ou panse ou?

Seki Labib dir

“Bondie tret tou dimoun parey lor mem baz. Bondie aksepte ninport ki dimoun dan ninport ki nasion si li ador li e fer seki drwat.” (Zistwar Bann Apot 10:34, 35) Pou Bondie tou dimounn ena mem valer.

Ki nou kapav aprann ankor dan Labib?

• Dan Labib ena bann “Bonn Nouvel” pou “tou bann nasion, tribi, langaz ek pep.”​—Revelasion 14:6.