PARTE 6

¿Jítasu itom maxtia Diluviota etʼtejʼjoari?

Dios sámarim ka tüwata joame lütiak, te Noé éntok a wawajim jiba jíneuk (Génesis 7:11, 12, 23)

Ju arca baʼat jikat ansísime wanay wame géntem ka tüwame baʼampo kokʼkome éntok jume ángelim ka nokjikʼkajame juka takáwata géntem bénasi bem jípurewim tojʼja

Woy takawa täwarim éntok woy takawa tükarim ka yäteka yukʼkuk. Ju baʼa sïme Buiäta tápuniak, wanay sïme jume sámarim ka tüwata joame kokʼkokamʼme.

Jume ángelim ka nokjikʼkajame a bem sámari takáwatam tojʼjak wanayim Satanastamakim chätu. Ënim lemonyom.

Noé, a famíliawa éntok jume nabolim árcapom yew sajʼjak wanay wepu namúxkurue bitʼtutaitek

Wame arkawaixwa anekäwi jiba emo jíneuk. Tiempomak, Noé éntok a familiawa kokʼkok, te Dios juchi am jiaabitetuana, wanayim ara jiba bechïbom jiápsina.

Dios juchi am lütiana jume ka tüwata joame wanay jume tüwata joame jíneuna (Mateo 24:37-39)

Satanás éntok a lemónyom jita júnem uʼusarua géntem ámemak emo chätunake bechïbo

Ju Diablo éntok jume lemonyom sámarim Jehovata ka nokjikʼkaiʼia.

Énriapo, juebena sámarim katim Jehovata nokjikʼkaibäre Noeta tiempomʼmet jiápsakame bénasi. Ka yun tiempo bëye sámarim ka tüwata joame A lütianakew bechïbo (2 Pedro 2:5, 6).

Jume Jehovata testígom Bíbliata usarua wepu ówtaw predicarua bechïbo; wepu oʼow Bíbliata leéruame

Te ket sámarim Noeta béname ayka Jehovata bem sawew joame. Jehovata testigomʼme.