¿Jáchisu tüysi itow wetche itom sáylam cristianomʼmak naw anëteko?

Eláposu mekʼka bétana káteka junʼne, sébiako, tatʼtako o yuke junʼne, jume Jehovata testígom katʼte itom reuniónim totʼtoja. ¿Jatchiasu utʼtiatate jojoá itom saylamʼmak naw ito toix bechïbo eláposu jita ka tüwa ítow weyo o tekʼkil bétana lotʼtilataka wëteko junʼne?

Itom aʼania tüysi ë bechïbo. May béxresimachi reuniónimʼmew we bechïbo, wanay Pabro ia bétana nokaka íkay jiáwak: “Jábeta kaa yumäpote ä ania báreka éenake”, o watemʼmeche suuwa (Hebreos 10:24). Senu nokimpo, ju apóstol júnel jiawbárey ke nawte ito täyanake, éntok nawte ito suaya báreka énake. Wate géntem congregacionpo aneme chë tülisi am täyako, ametʼte suana ke ito bénasi obiáchitam jípula wanay ámechim yewsákala junen bechïbo ket áram itom aniá ama yew we bechïbo.

Itom aʼania amistádim bínwatunakeme jipu bechïbo. Reuniónimpo ka kié itom täyamʼmak naw ane, sino tü amigomʼmak. Éntok jámak weyo itote naw totʼtoja jakun pasialua bechïbo. ¿Jita türi itow nunüpa ime tü amigomʼmak werámaka? Itom maxtiá chë béxremachisi naw ito bit bechïbo, júneli ju nákwamta ito naw antuame chë utʼtiata nunüye. Wanay itom companyérom obiáchisi ámew weyo láwtipote am aʼania buéytuk wepu amistad may utʼtiata ámemakte jípure (Proverbios 17:17). Sïmemakte naw etéxwako jumu congregacionpo, júnelite a bitʼtebonake ke sïme “nanáncham émo ania báareka eenake” (1 Corintios 12:25, 26).

Enchite néjune jume géntem Liosta wátiawtam joame amígom bénasi yewpuánake bechïbo. Ime amígom Jehovata testígom násuke am tewna. Kate emo tojʼja ke jita junʼne enchi a taktíriana itómak naw anëteko.

• ¿Jatchiasu tüysi türi ito bechïbo jumu congregacionpo saylamʼmak naw anëteko?

• ¿Jatweye itom congregacionte täya peyʼya?