¿Jáchisute chë tuá tülisi ito preparáruanake jume reuniónim bechïbo?

Si wepu Jehovata testigo enchi maxtiáteko, jámak bache ju leccionta en bitbarëwi preparáruana. Jita türi ama yew wik barëteko, juka alebénase yánake reuniónim bechïbo. Chë tülisi émow yew wena si chë suasy ayákateko.

Ákea yew puwʼwa jatweyo éntok jákune estudiáruana. ¿Jak horape chë at suaka are estudiarua? ¿Ketweyo ketune ke tekipanoatáyteko o tukapo jume usim beja kocheyo? Elápose ka yun tiémpota jipurëtek junʼne, empo jiáwnake jayki tiempo emo máknake estudiarua bechïbo éntok kate emo tojʼja ke jita enchi a uwʼwana júkay yä bechïbo. Jak yanti machite jaria wanay rádiota, teleta éntok teléfonote tucha tülisi en estudiáruanake bechïbo. Bache oráruanake, iʼi enchi aniánake juka ka enchi yanti jiápsatuame koptia bechïbo wanay júnel Liosta Nokit tüysi at suaka estudiáruanake (Filipenses 4:6, 7).

Jume nókim chë béxresi machime yew puwʼwa wanaye lístope ane ama nok bechïbo. Bache a bitcha sïme jita ama nokbáwame. Ache suuwa jáchisu téwak ju artículo o capítulo, ákea bitcha jachin jume subtítulom témamak naw weyʼye, jume jiyókarime bitcha éntok jume nátemaixrim bétane leerua buéytuk imeʼe jume idéam chë ama béxreme yew am bíbitʼtua. Chúkula éntok, párrafome leerua wanay nátemaixri ama wëme a yómiate ama jaria. Jume téxtom ka ama jióxterim Bíbliape am jaria wanaye ache suuwa jáchinim témamak naw weyʼye (Hechos 17:11). Wanay yómiate téwsuko, jume nókim chë ama béxreme yokʼka imeʼe enchi aniánake yómiarimew wati bechïbo. Jumu reunionpo are jíkaw mamte júnel barëteko wanay en nokimpe ile am noknake.

Sïme témam chikti semánam reuniónimpo bítwame estudiáruako, en jünewamta Bíbliata bétana chë búrusi ayúnake (Mateo 13:51, 52).

• ¿Jáchise ara wepu chë suasy estúdiota bétana yana reuniónim bechïbo?

• ¿Jáchise ara emo prepararua reunionpo wepu jita nok bechïbo?